旅遊攻略 — 台北 （美食篇）
香港人其實都幾鐘意去食afternoon tea, 甚至有好多人會去英國食正宗既afternoon tea。去到台灣，大家可以考慮下去試一試文華東方酒店既tea!！點解？因為除左食物質素，環境都好值得大家去一遊咖！
文華東方酒店係原址重建後，擺放左超過1700件原創既藝術品。一步入酒店，你就會發現藝術氣息非常濃厚，今日介紹既Jade Lounge，就係位於入口樓層。
餐廳入面貫切酒店既風格，擺放左好多唔同既藝術品擺設，你亦都會發現四周都有皮革既雕花，甚至係孔雀羽毛既燈。餐廳主要有三款座位，包括梳化區，有一啲矮枱既座位或者係正常既座位。梳化位置係好舒服，不過配矮枱食野比較唔方便，所以我地建議大家訂位時要求坐正常既枱，咁食野就比較方便！
佢有提供既下午茶選擇包括有青隅下午茶同魚子醬主題既下午茶，如果想試魚子醬既set，記住要早3日預訂。今次我地就介紹青隅下午茶！
一開始每人有一件truffle puff 同quiche, 味道方面確係唔係特別突出，不過不失。食完之後，主角出場！三層架有整咸甜點，咸點都係以三文治為主，而甜點既款式都幾多，同埋都唔算甜！不過最吸引既就係個鬆餅，配埋3款醬(紫羅蘭，clotted cream, 玫瑰)真係無得頂！尤其係個clotted cream, 好滑好香！
餐廳茶既選擇亦係非常多非常特別咖！呢間餐廳由於座位唔多，所以都幾難訂位，想試就記住早小小訂位喇！人均消費大約為1400TWD。
Jade Lounge
+886227156886
Search